©2019 par minutina. Créé avec Wix.com

Una Minuta

Lo Petit Ausèth

 

Una minuta es tot çò que demòra, Mon Amor, per te parlar.
 
Segonda aprèp segonda, lo temps fugís entre mas mans e lo vent bofa pels nòstres sovenirs... Que’n serà de morir sens aver tornat veire tos uèlhs? Ton sorire? Que’n serà de las nuèches que trescolan sens tos braces? Son uèi 300 mots per dire de voler una vida amb tu. 300 carcers per mon còr cansat de viure d’Amor reprimit.
 
Se foguèsses pas mon Amor, parlar de la vida, seriá parlar d’un triste lum d’ivèrn e d’una poësia presonièra del revolum de mos jorns viscuts d’abséncias e de messorgas. I aurà un deman? Un deman de color per l’arc de Sant-Martin? Un deman d’alegria per la traça del passat sus l’arena de la mar? E per nòstres dròlles? Ne sabi pas...
 
Ne sabi pas que serà de nosautres que cantam la nòstra lenga pels corredors estreches de la Libertat. Mas ai paur. Ai paur de viure sens tu, ai paur de viure sens ela. E mai nos cobrisca de gris l’existéncia... e mai conesca sos vèspres de solesa... sabi tornar viure quora m’abraças e ai enveja de cridar al mond:
 
 Te vòli ben Occitània, demòra a mon costat!

 

Imatge: Jan Vašek