©2019 par minutina. Créé avec Wix.com

Glottopatia albanica

Joan-Marc Leclercq

Quin avegèr dens aquesta clinica! Aquò que harà lèu duas setmanas qu’i soi e sabi tostemps pas quan me’n vau anar. La cramba es neta, pro nava, i soi tot sol, lo minjar es bon, e lo personau es fòrça aimable. Mes quin avegèr totun! Èi pas agut una visita dempuèi la debuta.
 
Cresi que lo mès tarrible quan ès ospitalizat, es la manca d’informacions. I a mjekët e mètges que’s seguissen dens la cramba, mes semblan ni d’estar totis d’acòrd, ni de partatjar las medishas informacions. Èi totun hidança dens la medecina e sotme.
 
“Glottopatia albanica”, ça ditz lo doctor … Soi beròi damb’aquò. Me cau cercar suu diccionari medicau. Vesèm … I a pas ren, ensagèm Wikipedia.
 
Glottopatia, glottopatia, … ah, èi trobat: “Patologia rara que’s manifèsta per l’apareishuda mès anar mès frequenta de lexèmas estrangièrs dens lo discors deu pacient. L’estudi de las encausas e deu tractament ai nuk është qu’a la debuta.” Soi plan avançat damb kjo. E pr’amor “albanica”? Parlan pas për këtë.
 
Në korridor, èi trobat un tipe qu’es ospitalizat ende quasi la medisha causa que non pas jo, l’an dit a eth “glottopatia ongaresca”, mes a un estadi më avançat que non pas lo men. M’ai shpjegoi tot, levat qu’èi pas tot comprés çò que’m disèva. Au paréisher seré una sëmundje que pertòca la facultat de paraula, e los simptòmas se hèn gjithnjë e më shumë frequents. Vertat que lo tipe deu correder sembla dens un estadi fòrça avançat. A un punt on e kuptoj me vështirësi.
 
De mès, èi tamben l’impression que lo personau ai më kupton mès anar mès mau. Me hèn tornar díser gjithmonë çò que disi. Ndoshta son eths que’s hèn shurdhër. Më duhettë flas për këtë au mètge lo còp que’u veserèi. Shpresoj se nuk ka rëndësi.

 

Imatge: Ervin Gjata