Recèrca.jpg

A la Recèrca de l'Amorier Negre

Laurenç Revèst

Volèm despí de temps un amorier, negre. Un arbre sabètz. Ren lo romic.

De costuma anam en Itàlia, per comprar aquò, sonat Gelso Nero / Bianco..., 14€ l'arboret.

Mas aicí a 400€ la multa per los carabiniers que aüra verifican mai la frontiera que denans, faria car l'arbre, meme arboràs! Es ren un produch vital per justificar d'i anar. Passa lo temps. Mas la frontiera e lo problèma, non. Es per regalar al filhòl que l'anniversari es quasi deman...

 

Alora deurem calar sus la ''202'', la Plana de Var, autrament dich Lo Camin de Granòble de lòng lo flume Var.

Ai telefonat a totes. Los plantoleiristas de Gileta a Gatiera en passant per Sant Martin de Var a Sant Isidòro. Ren. Mas ren. Una frema dal MIN al ras de Sant Laurenç de Var prepausa de ne'n cercar un, benlèu que ne'n trobaràn mas ren segur e la frema ven de Forcalquier...

A? Benlèu un a Sant Martin de Var? Cal veire. I anam. Un amorier negre, mas... estèrle per non far de fruchas e doncas de brutícias sus las terrassas...

160€. Diaul. 3 mètres, rentrarà ren dins la veitura... Ni dins lo còmpte en banca.

 

Anam a costat de Carròs. M'an dich que n'avian ben al telefòn. D'amoriers blancs, roges, e un que seria negre! Bòn, mas sus plaça, es un que fa d'amoras... de bartàs e 7€ lo plant. Èra estonant.

 

Alora sòno un autre. Ren. Mai un autre plantoleirista. Ren, benlèu un comandable dins una setmana, e encara (serà lo bòn?).

Sòno un autre pi, uf... Lo meme plantoleirista. Petard, plantat (ieu, ren l'arbre).

Mi sio ren fach demontar. E l'òme mi ditz ''Es ren arribat entre temps de telefonaia (rires)".

 

Li calrà portar qualqua ren al filhòl... Vai! Un pè d'...agroselhier maurèl.

Imatge: Candid Shots