La Paradòxa de Fermi

Pèire Tommasi

De’n primièr, qual es aquel òme ? Enrico Fermi (1901-1954). Es un fisician italian puèi naturalizat EU, trabalhèt sus los elements radioactius, Nobel de fisica en 1938. Donèt lo nom a la famosa paradòxa, coma seguit.

       Se conta l’istòria d’un dinnar amb Enrico Fermi, Emil Konopinski, Edward Teller e Herbert York, totes quatre fisicians dins lo domeni nuclear. Auriá formulat lo Fermi de questions sus la possibilitat de vidas extratèrrestras, subretot, d’après son vejaire, que es un estela jove lo nòtre Solelh en rapòrt amb lo demai de las estelas de la Via Lactada.

       Aquela question foguèt pausada per Constantin Tsiolkovski (paire de la cosmotica modèrna) puèi per Carl Sagan en 1966 e, fin finala, formulada per Michael H. Hart (un engeniaire) d’un biais jos la forma de quatre ipotèsis.

  1. I a una probabilitat flaca qu’existisca una civilizacion, coma la nòstra, avancada tecnologicament, amb las nombrosas condicions necessarias.

  2. Existirián lo Extratèrrestras, mas los viatges interstellars son impossibles o pas francament volguts fins ara.

  3. Existirián los E.T., mas es formada d’un tal biais la lor planeta que fa l’impossibilitat de la deteccion.

  4. Existirián los E.T., e mai son ja venguts o présents mas indetectables fins ara tanben.

Pren tanben una “forma” de mai la discutida a l’entorn d’aquel questionnament. Es una paradòxa, un dilèma, un problèma de logica o un vejaire de mai. Restrenh la reflexion e la deteccion ipotetica d’una vida extratèrrestra lo vejaire sonque etnocentric.

Se cal remembrar que abans Spotnik en 1957, èra paura e a majoritat teorica la nòstra coneissença de l’espaci. Dempuèi avèm descobèrt e/o verificat nombre de teorias d’un còp èra : traucs negres, matièria e energia negras, exoplanetas,... e un fum de causas de mai.

Es a dire que descobrirem la vida E.T. dins l’avenidor. Per seguir...

 

©2019 par minutina. Créé avec Wix.com