©2019 par minutina. Créé avec Wix.com

Maganha

Lalin Montanhac

Avia passat una jornaia cargaia. Èra arribat al trabalh a la marria ora. Mas qué! Los oraris avian cambiat e èra lo darrier al corrent. Per entrar, lo còdi èra novèl e deguèt esperar un collèga per entrar. Chancre de pissaor. 

La coneccion interret de l'establiment èra poiria. Lo servior avia plantat un còup de mai. Non solament interret èra blocat mas lo demai. Per astre, per un còup, la pàgina OpenOffice èra encara duberta mas devia esperar mieja minuta per veire s'afichar cinc paures mòtes sus l'ecran. Remava. 

 

Alassat, se'n tornèt vito manjar un quebab al grego Cristianoglou. Agachèt los mails sus lo sieu telefonet. 

La secretària li mandèt qualques minutas après la sieu partença, un mail notificat Urgent, que devia tornar al trabalh signar un papier important a l'entèsta blau, encuei, darrier delais. La secretària, l'avia vist dètz minutas denant de partir. Li demandèt s'èra possible d'escanerizar lo document, l'estamparia e un còup signat, escanerizaria lo document completat. 

Ges de respòsta... Gr. 

 

Laissèt tombar l'urgéncia. Tornèt al sieu. Las. 

Mancat de se far espotir per una veitura fòla, sus l'autovia, al moment que doblava un camionàs. Èra un camion Zip de color blava. Se'n avisava talament èra passat pròche. 

E mai, l'autre que li metèt los plens fars dins las bregas a mai.

 

E tornat al sieu apartament. Ges de plaça per se parcar. Un camion blau amb de letras escafaias èra parcat ont se metia sovent. 

Bòn. Va al parcatge pagant. 

E dins la bordilha dal parcatge, un detalh li tiret l'uèlh, una botelha, una botelha blava Zip. Petan de jornaia... 

Imatge: Hannes Edinger