Leiçon.jpg

Leiçon d'Escritura

Lalin Montanhac

Arnòld-Charles Ennéguer èra un grand. 

Especialista en alienats. Talament que dins lo mestier èra escaisnomenat Terminator o Terminador. Enfin sabiá plus ben. Totun èra totjorn terminat "qualqua ren", amb el. 

 

Aviá determinat l'occitan 3.0.

 

As que d'escriure ca e dire cha.

Escriure ada e dire aia.
Escriure L e dire U.

 

Mas siguèt depassat per Sir Gornet- Oevòr dich Acabator, o Acabador. 

 

Lo mèstre mot èra per el:

Escriure los, las e dire lei, leis. 

Escriure f e dire h. 

 

D'aliens alienats arribèron e a còup de subvencions magicas, lo topin de Jaco, lo jackpot se preferètz tot èra possible. Avián the kif de la vita, lo poler (poder). Curry powder dal Gojat-Rat indian per aquelos elegits dal pòble, accedent al paraís. Qualques prestanoms per lor donar caucion e fai tirar Mariús fins al bus! 

 

D'aquel temps los pichons neavan dins la pauta. E si picavan subre per saber cu auriá drech a un pauc de curry dins lo ris. E es conoissut tròup de ris, quitament de risòto gaire risolier, blòca tot, constipacion asseguraia. Plors en seria. 

 

Pedro dal Cant-Ara 5, reïncarnat segon los dires de sapients, prepausèt un acamp de conciliacion. Creacion de comissions dal vent e de l'ego ben visible. Ajua per aquelos que se sentián en dificultat. An ben parlat e siguèron rengraciats. Destornar l'atencion e agir per darrier e via lo fach acomplit. Caliá crear de precedents. E alora que se defendèsson pi coma realitat. 

 

Un espèr per la renaissença de la lenga ? Per non finir coma los amerindians? Escriure en alfabet ebraïc. Revolucionari. 

E rebastir lo temple de la clau de la lenga descadenaia dins las isclas Salomon. Pichon detalh tecnic, avián ges de batèl. Mas aquò es una autra istòria. Èran totjorn acostumats de remar.