Isla.JPG

la Isla magica

Pèire Tommasi

Quatre jorns exceptionals a La Habana. Uèi, de matin cap a Santa Clara. Nos ajuda per se’n anar lo Règis, nòste gavidaire. Son d’autopistas grandas sens cap de demarcacion entre las doas vias, amb d’unas carriòtas chaladas un còp per d’ases l’autre per de cavals o de vacas. Nos daissa te lo campèstre arribat.

         Avèm arrendat la veitura tre l’arribada sus l’isla. Quin bonur ! De camps de blederavas en rengeta. Una cartèl : Santa Clara.

         Es aqui lo mausolèu de El Che. Lo mausolèu : Grandás, ostentatori, demesurat. Una plaça granda coma la de la Revolucion mas aquèta al campèstre. I a pas res pus a veire. Sonque El Che. En veitura. Cap a Cienfuegos.

         Terrible ! D’una beutat, suspenduda al periòd de la colonizacion espanhòla. Una arquitectura bèla e blanca. La plaça majer de la ciutat. Un pichon mausolèu a cada canton, de bancs per chapar un briconèl amb los amics. Subte, una arribada granda. De filhetas de'n pertot vestidas coma per la messa. Es una Quinceañera. Es quicòm d’important per los Latinos. Lo passatge per las filhas a l’edat de femna. En camin, una ostalariá amb un cartelòt : Casa Particular. Un ostal per manjar. I tornam a l’entorn de uèch oras del ser.

         Cal montar un escalon bèl, de fustas, cap a una terrassa. Aquí quatre o cinc taulas per quatre e dins un canton una plancha.

- Aperitiu ?".

- De òc ! Solide ! Tres mojitos, por favor".

Comenca la serada. Puèi Langostas con arros. Cal dire que lo biais de manjar las langostas es un pauc particular. Un òme arriba del planhpè amb una pòcha, aquí dedins las langostas. Un vai e vèni sus la plancha e dins l’escudèla. E tres mojitos.

Deman de matin, direccion Trinidad e las plajas blancas per dos jorns. Puèi, nos calrà tornar en çò nòstre. Quin malastre ! Quina beutat aquela Isla Magica.