Confinhament meditatiu

Aigurf èra observator. 

Se demandava. Perqué, coma, ont, cu, qué ? 

D'un temps se disiá que la màsquera non èra necessària. Pi dal jorn a l'endeman, un còup fachas e per vendre, venguèt obligatòria. E aüra son las màsqueras FFP2 que van èstre obligatòrias, acabaas las màsqueras artisanalas (es la fin de l'artisanat ?). La pensaa dal pòble de còups es sana. Mas la patz sociala, a! Cu engana cu? 

 

Aquel periòde de la sieu vita èra estranh. Veniá de demissionar, èra oficial, aüra èra un ancian professor d'occitan. Enfin quora trabalhava, ensenhava ja mai lo francés que l'occitan. Sabètz sus las 18 oras d'ensenhament de far, de basa, sus lo papier un es recrutat per far d'Occitan quora passa lo Certificat d'aptitud a l'ensenhament segondari per l'occitan. Mas coma las màsqueras, la realitat esconduá èra fatala. Pendiá al nas de biais, l'info calava de l'ierarquia. Vira torna, ensenhava 14 oras de francés e 4 oras d'occitan... Per gardar l'aparéncia escriviá en occitan, istòria de gardar la fàcia e un pauc de respectabilitat. Amor pròpre. In limousine we drink champagne! Òc mas el la veitura aviá 16 ans. E non èra crit'air 1... París c'est finiss ! 

 

Lo cobrifuèc èra obligatòri. Mas dins gaire coma Sensa domicili fix, coma fariá per trobar un lotjament? Los centres d'albergament èran barrats en causa dal risc de propagacion dal Covid-19 (masculin o feminin, Covid-19, sabiá plus ve!). 

 

Lo teletrabalh èra obligatòri per totes, tre qu'èra possible d'o aplicar. Mas el quora èra professor, aviá jamai comprés perqué èra plus possible de teletrabalhar. Li anava ben. Èra mai eficaç quitament. Enfin èran d'impressions. 

 

Voliá cambiar las causas. Cu pòt parlar al nom dal pòble. A qué moment un pòt parlar per 'nos'?

 

A fòrça de visar las estelas, lo fasián passar per un colhon de la luna.