Es ben lèu acabat ?

Lalin Montanhac

Quora la realitat es mai dura que la ficcion, tan val de contar çò qu’es en la tèsta. L'invisible del mond visible.

 

Xavier(a) que sonarem X per la far corta, èra una jove persona coma tan d'autres. Coma nos calriá, o... coma nos caliá per la renaissença. Voliá ajudar a la lenga, en aguent de conoissenças de mai. 

 

Sens pretencion tot en laissant possible un avenir per aquò. Cal far bolhir lo pairòl, pas 'rai?

Lèu comprenguèt que la seleccion èra facha sus de critèris autres. Caliá èstre competent. Tot trabalhaire seriós o èra. Mas per aver una plaça caliá subretot aver la carta al bon partit, al bon cèrcle, la bona mata.

 

S'un(a) polin(a) èra sus los ralhs, despuèi d'ans ja, los autres èran per crebar sus l'òrle del camin o ja passats per fòls. Bingo!

 

Neutralizar o escampar l'Autre... la concurréncia en soma. En oposicion amb lo discors oficial de combatre las inegalitats. Sorrire davans, dobertura, discors public melicós, mas man de fèrre e enfifratge darrièr. Far la leiçon als autres e jamai cedir. Recular egala desfacha. Impossible. 

 

X cèrca lo mejan de se far passar per lo(a) de qui cal. Barba, pèls longs, per los jovents ; vestits cools, aerians, cabelhs biais espelofits per las joventas. Pasmens pels dos genres, consomacion de pastaga e d'espinèls per se la jogar. Image seriós mas pas conhat. Camisa còl Mao. "Supèrb" a cada fin de frasa. Res i fasiá. 

 

E mai, somission als caps, inferiorizacion. Pilhatge de trabalh tanben.

 

X a vist passar los ans. Mas per el(a) ren de nòu. Galèra al menut. Desmèrda de rigor. E aquí cadun per se!

 

Fa longtemps ara que lo temps de l'insocitança a passat. Amics perduts dins la natura. Cadun sa dralha. Sovenirs esmoguts. Amars. Libertat mas inegalitat e cadun per se!

Imatge : Alpcem

 

©2019 par minutina. Créé avec Wix.com