Categoria Loose

Lalin Montanhac

Una jornaia coma las autras 

 

De matin, la question que tua: a quina ora ti sès levat? 

E a pena respondut que fusa: Bondieu, mas es taaaaardi sas! Io mi levo mai d'ora ve. La matinaia fa la jornaia ve. 

 

Bònjorn, veno per rempalhar las cadieras. Jove, sio anat en preson. Just per una garrolha. A se reveire, tè, farà 80 èuros l'assèti... 

(Al tel) Per 4,360€ mas vos farai una remesa e pagatz que 320...

 

Es possible de partir d'aquela plaça? Me'n vau, vesètz ben. Mentretant, driiiiiin. La maire d'un escolan se planhe perqué es decebua de l'actitud dal professor, se fa de bestiesas lo jove es de la fauta dal prof.

 

Pòs far mai rapide, es tròup lent aquí ve. As encara ren fenit? Qué fas? 

Perqué sès totjorn en retardi? 

 

Sès testard ve. (Mas degun defende jamai las sieus idèas?) 

 

Avèm pagat quasi 1000 € de plombier. E aüra... Los comuns fan d'aiga. Fendasclas? Non. Condensacion? D'aiga sus lo sòl, totun n'i a. 

Coma explicar de si banhar las braias tot en escampar d'aiga dins lo bòn endrech!? 

 

An destruch la maison de l'oncle. Els an lo sens de la familha. L'argent de la venda va permetre de bastir una maison per lo felen. Nosautres avèm una vista a cort tèrm e gaire d'argent d'avança. Mas van se raprochar de la familha qu'a quitaia la region. 

 

Past amb d'amics. Un es naissut a Sant Tropetz. Vòl viure dins las isclas de las Antilhas. Se sentir liure... E colonizar d'autres per eissubliar que sès colonizat. Una autra a naissua a Mentan e pantaisa de viure dins la Cevena o sus los Cauces luènh de la mar a si gelar. Perqué aquela region es la mèrda. Argent, sòus. Superficialitat, pression umana e immobiliària. Mas ieu sio encara aicí. E mi sento ren pegar a aquel modèl que descriu. Resistir de l'interior?

 

©2019 par minutina. Créé avec Wix.com