Deliri Western
Pèire Tommasi
En 1855, dins un canton de Mexic, i aviá una vila sonada Mò Town. Semenavan la pagalha los fraires Water; Earth, Wind e Fire. Raubaires reputats. Èra la batèsta amb lo Cherif de Mò Town, Erwin N’Fire e los sieus adjunts ; son frairastre Otis e Martin Casagrande HAMMER, sonat MC HAMMER. Entre dos marrits còps desapareguèron los WATER e èran totjorn vanas les recèrcas.
Sadol de la situacion, voliá quèrre l’ajuda de l’armada. A qualquas lègas de la vila, i aviá El Fòrt de Hasta, Hasta fort en anglès. Dedins tres soldats : Bob M’ARLEY, Tom e Jerry, e lo Capitani Flam.
Del temps de l’abséncia del Cherif, arribèron en vila los fraires WATER, cap al saloon, mitat espanhòl mitat francés, sonat “El Thon Jaune”. Tengut per la capmèstra Anna BARBERA. Fasiá las cartas dedins, Joe e Jules DASSIN amb los vièlhs Dorothy e Jacky SHOW. Foguèt un rambalh del diable. Se n’anèron a la lèsta los jogaires s’escondre, siá a la quincalariá novèla de Chobaka. Dobriguèt la pòrta. Lo demai se n’anèt cap a la lavariá de Nòva WAM, tendrament sonada Mami Nòva. De trabalh per l’enterraire Mort CHUMAN e lo mètge, lo Doctor NO.
Se’n tornèt de Hasta Fòrt la cavalariá. Faguèron una pausa al ranch de Fransisca e Jack BREL. Los cavalhs refrescats, menèron cap a la vila. Se vesiá las fumadas de la petarrada. Arribèron al canton de la perriqueriá de Alba e Michèle TOR. Un quart pus tard, èran arrestats Earth, Wnd e Fire WATER. Los tres elements a l’encòp.
La vila tota s’amasèt dins El Thon Jaune per festejar la fin de la marrida còla. Robert JONHSON dintrèt per cantar e jogar amb Sammy, Fred, Vera e Dafne, lo lor darrièr tròç sonat “Scooby-Doo. E cric e crac, es acabat.