©2019 par minutina. Créé avec Wix.com

La Banana ailà, ba n'a!

Lalin Montanhac

Comencèt de matin per una banana getaia dins l'òrt. Lo vesin se pilhèt lo gèst coma una agression. Èra lo pichon qu'avia getat dins lo juec per visar lo compòst. 

La veitura la mi parcavo, quora i èra la plaça, davans la muralha dal vesin. Lo miègjorn seguent l'afar, la veitura fuguèt raiaia davans e de costat de la forma d'una banana e un autre jorn si tirèt de letras de la marca. Devenguèt una Pcugeo. Èra plus una Peugeot...

 

Una cagòla en legging, telefonet en banana, que passèt en corrent m'agachèt de travèrs. A benlèu trobat d'a redire mas a ieu, qu'enchaut. Lo bling bling, la carroceria, m'impòrta gaire. 

 

Mas lo quite disnar, un article de jornal m'atraiguèt l'uèlh. Un òme avia estach arrestat. 

Parlava d'un biais estranh amb de mots desconeissuts. "Fònqui òqui, mishto pai. Bòna bana. Nana na"... 

Venia çò sembla, de tuar un òme. Mas coma arma dal crimi, un pan, mai exactament un tòc de baneta congelat enfonsat coma una pica de glaça. 

E l'aficha amb la tèsta d'un lapin escrich "Bòn Duel" sus la tèsta de la victima. 

 

Recargo la bateria dal telefonet. E alora al telefonet, un SMS solet d'un destinatari marcat "desconeissut" : "Òu drij, sès en pij?" firmat Bana de Banana... 

 

Èro destorbat. Pensatiu. Istòria d'alienat. Alienat mental, alimentari o cultural...

 

La bóstia de velocitat anava se rompre lèu d'après lo garagista. Aviam de despensas pesugas de preveire. Avio ren la banana. Alora. Un pauc de musica d'hang indossoïssa per se relaxar. E en publicitat avans la vidèo, una reclama per un US pan, una paela, utila per far un wòk de nolhas o far fregir de... bananas ! 

 

Sus lo camin per comprar de pan, que de publicitats immobiliàrias. Quin país aquesto. Lo vesin se fa poirir per la frema perqué arriba ren de se parcar ben alinhat coma cal. "Espècia de banana va !". Es ren a un vièlh monin que s'empara de manjar de bananas. 

 

Fatalitat, ai esguilhat sus una pel de banana e ai terminat bananat. Una jornaia coma aquesta, ba, n'a gaire. Va !

Imatge: Ilona March