©2019 par minutina. Créé avec Wix.com

Cabelhas roges

Lalin Montanhac

Un òme va en visita al monastèri dal Toronet e es retrobat defuntat dins un monastèri dals Alps Maritims. 

Florestan Roassal mena l'enquesta.

L'òme, Uc Agel es un retirat, venia de biais ocasional se far un jorn o un sejorn dins la quietud e lo silenci. Entre Tolon e Mentan. 

Avia dos enfants mas èra vedo (veus). Lo legista analizèt ja los budèls. Los tròba estranhes, un poison ? 

Me cal tornar far lo sieu emplec dal temps. Diluns partit dal sieu apartament, l'òme pilhèt la veitura e de qué faguèt ?

De fach, jamai èra agut vist al Toronet aquels jorns. Perqué declarar als pròches i anar dal bòn per anar autra part? Mistèri. Camin sus l'autovia, Esterèl, còsta e començament dals Alps. 

 

Es aicí. Un monasteri ancian, quilhat a espinchar las montanhas entorn. 

Primier, entrar al monasteri, ai agut dal burèl l'autorizacion de la superiora. Avia reservat per lo sieu sejorn. 

 

Se parquèt sus lo parcatge dal monastèri. Mangèt de sera e anèt far un saut lains la capela, avansh de rejúnher la sieu cambra. 

Al refectòri, parlèt amb doas frema. Elvira e Desiraa. En plors. Impossible de lor pausar de questions al començament. Dotze mocaors mai tardi e doas tassas de cafè engolias, es possible de pausar de questions per aver de respònsas... 

 

Un ancian perruquier, sempre cortés. Ges d'enemics conoissuts. Acostumat coma elas de venir se pausar aicí. Aparentament venia mai aicí qu'al Toronet. Mas impossible de saber de detalhs susprenents. Una actitud normala, ges d'allusion a quarque problèma que sigue. Levat un, es agut assessinat e retrobat ambals cabelhs pintats de roge. 

 

E per astre, un segond assessinat, una frema assessinaa dins un centre de gim, lo Palhòls Body center, sus la mema comuna. Detalh similar, a los cabelhs pintats de roge... Un rapòrt ambdós? Cal cavar. Es una jove frema, secretària dins una entrepresa de BTP familiala, Escavaire and Co. Avia una relacion amb l'enfant dal patron, Peire, mas èra nòu. 

Vau veire lo Peire. Es a boigar dins lo burèl. Cerca de facturas. 

Me signalo. Après un quichar de man de bòu, questions. 

 

Demanda un moment per anar cercar dins lo sieu veïcul totterren lo sieu agenda. Es bel, tot de nòu, las ròdas tuning e tot. Va ben. Es destruch per la mòrt de la sieu melhora collèga de trabalh. Parla, sensa parlar de la sieu relacion. 

Es ocupat, l'entrepresa es a bastir la nòva caserna de pompiers. A un alibi... beton. De testimònis. 

Roge, èra l'astre. 

 

Una tencha que vira mal per l'un, mas subretot una crisi cardiaca, naturala. E un problèma gastric ancian. 

Un deliri entre amigas en bóstia de nuèch per l'autra e una allergia al color que vira mal. Cal ren se complicar la vita. Afars classats. 

Imatge: Gamopy